Pas mureve të një objekti të ndërtuar në vitet 60-të, mund të njohëshhistoritë e 54 banorëve, që për arsye të ndryshme, janë detyruar ta kalojnë pleqërinë larg familjes. Ata jetojnë në Shtëpinë për Persona të Moshuar dhe pa përkujdesje familjare në Prishtinë, ku jeta rrjedh mes historive të dhimbshme personale, sfidave të përditshme dhe përpjekjeve institucionale për t’u ofruar banorëve kushte sa më dinjitoze. Gjylferie Bytyçi nga Suhareka ka hyrë në vitin e dytë të qëndrimit në këtë institucion dhe është 70-vjeç. Pa familje dhe 100 përqind e verbër, ajo thotë për KosovaPress, se nuk ka pasur zgjidhje tjetër. Bytyçi: Jam 100 përqind e verbër, s'kam pasur banesë time “Unë s'kam qenë e martuar. Edhe baba, nëna, vëllazëria më kanë vdekur. E meqë jam 100 përqind e verbër, unë s'kam pasur banesë time, shtëpi time, s'kam pasur para me paguar qiranë, as me ble banesë, as me ble shtëpi, asgjë. Edhe qysh me jetuar vetë kur je e verbër?. E ashtu që më erdhi puna gjithqysh me bërë punën me ardhur në shtëpi të pleqve.. Histori të ngjashme rrëfen edhe Shejnaze Salihu, që jeton prej 15 vitesh këtu.