Nga Zall-Herri, ku takoi dhe bisedoi me banorë të zonës dhe mbolli disa pemë me ta, kandidati i PS-së për Tiranën, Erion Veliaj tha se kundërshtarët politikë kanë vetëm hallet e tyre dhe njerëzit i duan vetëm për vota. “Ku ishin gjithë këto kohë këta që kemi përballë? Kush paguan 100 mijë euro për shfaqje në stadium, nuk është se nuk i ka mundësitë ta ndihmojë Zall-Herrin me një shtëpi apo me pako ushqimore. Ata që paguajnë nga 100 e ca mijë euro me non-grata, nuk është se nuk i kanë mundësitë ta ofrojnë një pjatë supë, ose ta shërbejnë një drekë. Nuk është se nuk dinë, ose nuk kanë, por nuk duan. I duan njerëzit vetëm për vota, i duan vetëm njëherë në katër vjet. Veliaj nga ana tjetër u shpreh se koalicioni Berisha-Meta, nuk del më në Tiranë as për mitingje, sepse Tirana I ka refuzuar, teksa kujtoi qëndrimin që më herët Meta kishte ndaj tij.