Policia e Shkodrës nuk mori përsipër sigurinë e Erdgys Arrazit në ceremoninë mortore të dy fëmijëve të tij, që u mbytën në lumin e Bunës bashkë me të ëmën, Alma Arrazi dhe motrën e madhe të tyre. Refuzimi i policisë, megjithëse prokuroria më herët i kishte dhënë leje 31-vjeçarit lidhet me natyrën e akuzave që rëndojnë ndaj tij. Prokuroria e akuzon për dhunë në familje dhe shkaktim vetëvrasje. Për këto akuza, Arrazi është izoluar i vetëm në paraburgimin e Shkodrës, ndërsa edhe gjatë lëvizjeve brenda institucionit shoqërohet vazhdimisht nën masa të rrepta sigurie. Policia i druhet hakmarrjes së të burgosurve të tjerë, që janë persona me precedentë të theksuar kriminalë, që nga trafiku ndërkombëtar i drogës tek vrasjet. Ky kontigjent të burgosurish, përbuzin autorët kur bëhet fjalë për krime në familje dhe ‘hakmerren’ ndaj tyre duke i dhunuar autorët brenda qelive.