Tregjet financiare në Azi dhe Australi kanë rënë për të dytën ditë radhazi, ndërsa politikat e tarifave të presidentit amerikan Donald Trump vazhdojnë të shkaktojnë shqetësime për mundësinë e një recesioni global. Pak orë më parë, tregjet amerikane përfunduan sesionin e fundit me humbjen më të madhe njëditore që nga shpërthimi i pandemisë Covid në vitin 2020. Trump ka deklaruar se politika e tij e tarifave po ecën shumë mirë dhe ka parashikuar se tregjet do të lulëzojnë sipas skemës së tij të re. Nga Pekini deri në Bruksel, liderët botërorë kanë premtuar të kundërpërgjigjen ndaj tarifave minimale prej 10% që do të vendosen për importet globale nga SHBA, të cilat pritet të hyjnë në fuqi të shtunën. Tarifat më të larta, përfshirë 20% për Bashkimin Evropian dhe 54% për Kinën, do të zbatohet nga data 9 prill. Sakaq Presidenti amerikan Donald Trump u tha gazetarëve një natë më parë se kryeministri i Mbretërisë së Bashkuar Keir Starmer ishte shumë i lumtur për mënyrën se si Britania është trajtuar për tarifat.