Ekipet e mediave shqiptare që ishin nisur këtë të shtunë për të ndjekur nga afër takimin e Kryeministrit Edi Rama me emigrantët shqiptarë në Selanik raportuan për vonesa të mëdha në doganën e Kapshticës. Sipas denoncimeve, që tërhoqën edhe vëmendjen e medias europiane Euractiv, gazetarët dhe ekipet e xhirimit u penguan për rreth 3 orë në doganë nga ana e autoriteteve greke. Euactiv thotë se gazetarët ngritën pretendime për vonesa të pajustifikuara, ndërsa autoritetet greke sqaruan se atyre u mungonte zhdoganimi për pajisjet e video-regjistrimit dhe video-transmetimit. Legjislacioni grek kërkon që pajisjet teknologjike, të të çdo lloji dhe më përjashtim kur janë për përdorim personal, kanë nevojë për zhdoganim para se të hyjnë në territorin grek, ose për leje të posaçme përdorimi brenda territorit të Greqisë.