Demokratët iu drejtuan këtë të shtunë kutive të votimit që në listën prej 289 kandidatëve të zgjedhin përfaqësuesit që do të përballen me rivalët në zgjedhje. Por ndonëse numërimi i votave ka përfunduar, Partia Demokratike vijon ti mbajë rezultatet e kandidatëve sekret, duke ngritur shumë hije dyshimi. Por Tirana, Qarku më i madh ka patur surpriza. Hysen Kadiu, kryetari I PD-së Kavajë, arriti të grumbullojë më shumë vota në rang qarku. Surprizë ishte edhe rezultati i arritur nga deputetja demokrate, Jorida Tabaku, e cila ishte ndër të fundit që iu bashkua ish-kryeministrit Sali Berisha. Përkundër këtij fakti, rezultati i Tabakut, si femra më e votuar në qarkun e Tiranës, është domethënës. Por një tjetër rezultat domethënës është ai i kreut të PD dega Kashar, Arsen Valisi, i cili ishte ndër të parët kryetarë degësh që dha dorëheqjen për tu bërë pjesë e primareve, pas kushtit vënë nga Ish-kryeministri, në kuadër të barazisë në zgjedhje.