Përdorimi nga Rusia i një rakete balistike të re hipersonike, jo bërthamore kundër Ukrainës javën e kaluar u vu menjëherë në qendër të vëmendjes, duke pushtuar faqet kryesore të shtypit botëror dhe duke ndezur një vëllim të madh spekulimesh nga analistë. Vladimir Putin tha se Rusia tani do të fillojë prodhimin masiv të raketës Oreshnik, e cila u lëshua në qytetin e Dnipros në përgjigje të armëve të SHBA-së dhe Britanisë së Madhe që u përdorën nga Kievi për të goditur thellë brenda Rusisë. Megjithatë, është publikuar tani një raport që sugjeron se gjithcka ishte projektuar në mënyrë efektive si një ushtrim propagandistik nga Moska, në një përpjekje për të ringjallur frikën midis udhëheqësve perëndimorë që ishin mësuar me kërcënimet që përfshinin armë bërthamore. Moscoë Times citon katër zyrtarë rusë - të cilët të gjithë folën në kushte anonimiteti për shkak të natyrës së ndjeshme të temës - të kenë thënë se sulmi i Oreshnikut dhe mbulimi mediatik që rezultoi ishin "të hartuara me kujdes, me përfshirjen e zyrtarëve, personelit ushtarak, agjencive të inteligjencës dhe Ekspertëve të PR-it në Kremlin".