Dy vite pas sulmit terrorist në Banjskë, në veri të Kosovës, ku mbeti i vrarë rreshteri Afrim Bunjaku, ndërkombëtarët kanë bërë thirrje për ndëshkimin e përgjegjësve. Amabasada britanike ne Prishtinë, përmes një postimi në rrjetin social Facebook, shkruan se dy vite pas sulmit, vajtimi për humbjen e rreshterit Afrim Bunjaku vijon. "Autorët e sulmit, përfshirë Millan Radoiçiqin, ende nuk janë arrestuar dhe nuk janë sjellë para drejtësisë, dhe ne edhe një herë u bëjmë thirrje autoriteteve serbe që të veprojnë sa më shpejt që të jetë e mundur", thuhet në njoftim. Për dyvjetorin e sulmit në Banjskë ka reaguar edhe Ambasada Gjermane, e cila ka kërkuar ndëshkueshmërinë e autorit Millan Radoiçiç. “Kjo pandëshkueshmëri e dukshme është e papranueshme. Është e domosdoshme që llogaridhënia dhe drejtësia të zbatohen pa asnjë vonesë të mëtejshme”, thuhet në postimin e Ambasadës gjermane.