Shtetet e Bashkuara të Amerikës kanë dënuar fuqishëm sulmin kibernetik të Iranit ndaj Shqipërisë duke ngritur alarmin se vendi ynë është përballur me një incident të paprecentë. Zëdhënësja e Këshillit të Sigurisë Kombëtar Adrienne Ëatson, tha në një deklaratë se SHBA-të i bashkohen thirrjes së kryeministrit Rama që Irani të mbajë përgjegjësi për këtë ngjarje të rëndë. SHBA garanton se do të ndërmarre veprime të mëtejshme për ta mbajtur Iranin përpara përgjegjësisë për veprimet që kërcënojnë sigurinë e një aleati të SHBA-së si Shqipëria. Për javë të tëra, thuhet në njoftimin e Shtëpisë së Bardhë, Shtetet e Bashkuara kanë bashkëpunuar me partnerë të sektorit privat për të mbështetur Shqipërinë të zbusë, kapërcejë dhe hetojë sulmin kibernetik të 15 korrikut. Shtetet e Bashkuara kanë arritur në përfundimin se ishte qeveria e Iranit ajo që ndërmorri këtë sulm të papërgjegjshëm.