SHBA dhe BE kanë kërkuar që autorët e sulmit në Banjskë ku mbeti I vrarë rreshteri I policisë Afrim Bunjaku të vendosen para përgjegjësisë ligjore. Në një vjetorin e kësaj ngjarje të rëndë ambasadori I SHBA në Kosovë, Jeffry Hovenier teksa kujtoi efektivin e policisë përqëriti edhe njëherë qëndrimin e shtëpsë së bardhë. “Shtetet e Bashkuara përsërisin thirrjen e tyre, dhe është pritshmëria jonë, që autorët dhe të gjithë ata që u përfshinë në atë krim të tmerrshëm të mbahen plotësisht përgjegjës.”, shkroi ambasadori Hovenier në rrjetin social X. ndërkohë zëdhënësi i Bashkimi Europian, Peter Stano theksoi se Blloku është I përkushtuar për drejtësi. “Është një rikujtim i nevojës për përpjekje të vazhdueshme për ruajtur sigurinë dhe për të avancuar me normalizimin e marrëdhënieve ndërmjet Kosovës dhe Serbisë”, nënvizoi ai në një postim në platformën X ndërsa shpërndau dhe deklaratën e shefit të diplomacisë së BE-së, Josep Borrell, të para një viti kur ndodhi sulmi terrorist, ku dënonte ashpër sulmin kundër policëve të Kosovës në Banjskë në veri të Kosovë. Prishtina e ka cilësuar sulmin si terrorist. Prokuroria Speciale e Kosovës ngriti aktakuzë kundër 45 personave për këtë sulm. Përgjegjësinë për sulmin e mori Millan Radoiçiç, ish-nënkryetar i Listës Serbe, partisë më të madhe të serbëve në Kosovë, e cila mbështetet nga Beogradi. Në aktakuzën e ngritur nga prokuroria kosovare Radoiçiç cilësohet si “kreu i grupit terrorist”. Autoritetet në Serbi refuzojnë ta ekstradojnë Radoiçiç në Kosovë dhe thonë se ai do të gjykohet nga “gjykatat serbe”. Source: X@Ambassador Jeff Hovenier X @Peter Stano