Gjatë lansimit të raportit “ Siguria në veri Kosovës pas sulmeve terroriste në Basnjka dhe kanalin e Ibër Lepenc”, ministri I Brendshëm, Xhelal Sveçla, deklaroi se prej vitit 2023 aktet kriminale në veri të vendit nga grupet terroriste serbe janë ashpërsuar. Sipas Sveçlas, sulme të tilla ka kryer vetëm Rusia në Ukrainë dhe Serbia në Kosovë. Ministri tha se strukturat paralele serbe kanë bashkëpunuar me Beogradin zyrtarë dhe kanë pranuar urdhra nga presidenti i Serbisë, Aleksandër Vuçiq e Milan Radoiçiq, i cili është i përfshirë në sulmin e 24 shtatorit 2023 në Banjska të Zveçanit. Sveçla u shpreh se beteja e autoriteteve të Kosovës për shtirje të sovranitetit në pjesën veriore të vendit, ka demaskuar aspiratat e Serbisë për territorin e Kosovës, dhe që pjesëtarë të Listës Serbe kanë qenë të përfshirë në trazira të vazhdueshme në veri. Sipas tij, kjo mundësoi terren plotësisht të lirë për grupet kriminale dhe çdolloj aktiviteti ilegal. Integrimi i strukturave paralele serbe në institucionet e Kosovës, sipas Sveçlas, kanë ktyer funksion për t’i raportuar Serbisë dhe presidentit serb, Aleksandar Vuçiç.