Pas sukseseve personale në xhudo, me të cilat bëri krenarë Kosovën dhe shqipërinë, Majlinda Kelmendi tashmë po shënon rezultate të shkëlqyera edhe si trajnere. Nën drejtimin e saj dhe të Driton Kukës, xhudistët kosovarë fituar tetë medalje të arta individuale si dhe u shpallën kampion ballkanik në garën në ekip. E sic thotë vetë Kelmendi, sukseset priteshin, por pati edhe befasi nga disa prej xhudistëve të rinj. Kelmendi: Nga xhudo po dalin emra të rinj shumë premtues “.....në përgjithësi ka shkuar jashtëzakonisht mirë. Jemi kënaqur, garat ekipore në përgjithësi janë me adrenalinë, shumë interesant, kështu që ka qenë atmosferë jashtëzakonisht e mirë, garuesit kanë qenë jashtëzakonisht të motivuar” Por për Kelmendin, një motiv më tepër ishte edhe fakti se kampionati ballkanik i xhudos u mbajt në Kosovë, në qytetin e Pejës.