Mijëra studentë bllokuan një kryqëzim të madh rrugor në kryeqytetin serb të hënën, ndërsa demonstruesit po shtojnë presionin mbi qeverinë pas shembjes fatale të catisë së një stacioni treni, në nëntor. Bllokada në Beograd, e cila ishte caktuar të zgjaste për 24 orë, erdhi pasi organizatorët e studentëve bënë thirrje për një grevë të përgjithshme të premten e kaluar që pa avokatët të ndalonin punën dhe mbylljen e bizneseve të vogla dhe shkollave anembanë Serbisë. Ka pasur pothuajse çdo ditë bllokime rrugësh dhe protesta në të gjithë vendin që kur 15 persona humbën jetën në qytetin verior të Novi Sadit, më 1 nëntor, në një stacion treni që ishte rinovuar kohët e fundit. Shumëkush në Serbi fajëson korrupsionin dhe mbikëqyrjen e dobët të ndërtimit për tragjedinë. Pas grevës së të premtes, protestat vazhduan gjatë fundjavës me mitingje të mbajtura në gati 20 qytete të shtunën, pasuar nga një thirrje të dielën në mbrëmje për serbët, që të godisnin tenxheret dhe tiganët dhe të bënin zhurmë nga dritaret e tyre në mbështetje të studentëve.