Izraeli tha të enjten se nuk do të lejonte asnjë korridor humanitar të rrethimit të tij të rripit të gazas deri sa të gjitha pengjet të liroheshin, pasi kryqi i kuq bëri apel që të lejohej hyrja e karburantit për të parandaluar që spitalet të ktheheshin në morgje. Izraeli ka premtuar se do të zhdukë hamasin nga faqja e tokës në hakmarrje për sulmin më vdekjeprurës mbi hebrenjtë që nga holokausti, pasi qindra njerëz të armatosur canë barrierat në kufi dhe sulmuan qytetet izraelite të shtunën. Militantët e hamasit vranë të paktën 120 persona në izrael, pjesa më e madhe e të cilëve civilë, në shtëpitë e tyre apo në rrugë, si edhe morën shumë pengje me vete, pas në gaza. Shkalla e mizorisë u bë e njohur ditët e fundit pasi forcat izraelite rimorën kontrollin e qyteteve, duke gjetur shtëpi të mbushura me trupa të pajetë, përfshirë gra që ishin përdhunuar dhe vrarë dhe fëmijë që ishin qëlluar me armë dhe ishin djegur. Izraeli është përgjigjur duke e vendosur enklavën me 2.3 milionë banorë nën rrethim total dhe duke kryer fushatën më të fuqishme të bombardimeve në historinë 75 vjecare të konfliktit izraelito-palestinez, duke rrafshuar me tokën lagje të tëra.