Pas pushimeve verore, deputetët rinisën jetën parlamentare, me një sesion që u hap nga Elisa Spiropali, e cila që në krye të herës I shtriu dorën e bashkëpunimit opozitës. Nga posti I kryeparlamentares Spiropali kërkoi bashkëpunim në komisionet e posaçme që drejtohen nga Xhafaj e Braçe, por që s’kanë patur dakordësinë e opozitës “Do të vijojnë punën dy komisionet e posaçme, qëllimi i të cilëve është avancimi i reformave, në mënyrë që të mos ketë asnjë kthim mbrapa. Mbështetja dhe fuqizimi i institucioneve të pavarura dhe i pavarësisë së degëve të qeverisjes, që ato të rrisin përgjegjshmërinë dhe transparencën para vendit dhe qytetarëve. Pozitive të bashkëpunojmë për komisionet hetimore, sepse bashkarisht duhet të zbulojmë gabimet e punës së institucioneve dhe të nxjerrim përgjegjësitë”.