Prokuroria e Posaçme Antikorrupsion refuzoi kërkesën për takim mes misionit të Autoriteteve Lokale të Këshillit të Europës dhe kryetarit të Bashkisë së Tiranës, Erion Veliaj. Nga data 17 deri në 19 nëntor, misioni i Këshillit të Europës pati një vizitë zyrtare në Shqipëri, ku u prit nga disa institucione shqiptare dhe kishte kërkuar t’i jepej mundësia të takohej në ambjentet e paraburgimit të Durrësit me kryebashkiakun Erion Veliaj për t’u njohur me situatën e tij, megjithatë nuk u lejuan që ky takim të realizohej.