Prokurorja Manjola Kajana është emëruar nga Këshilli I Lartë I Prokurorisë si anëtare e SPAK. KLP ka zhvilluar këtë të hënë mbledhjen online në kushtet e distancimit social ku ka vendosur unanimisht emërimin si prokuror në Prokurorinë e Posaçme Kundër Korrupsionit dhe krimit të Organizuar të Manjola Kajana për një mandat 9 vjeçar pa të drejtë riemërimi. Ky vendim ka ardhur pasi prokurorja Kajana ka kaluar me sukses edhe fazën finale të vettingut, pasi u konfirmua në detyrë nga KPA. Manjola Kajana ishte përzgjedhur që vitin e kaluar në listën e kandidatëve për SPAK-un, por vetëm tani që kaloi vettingun e emërua. Me emërimin e saj, SPAK ka aktualisht në strukturën e tij 13 prokurorë nga lista e 15 prokurorëve të zgjedhur nga Këshillin i Lartë i Prokurorisë. Me këtë rast, gjatë mbledhjes së KLP-së kryetari Gent Ibrahimi i bëri edhe një herë thirrje organeve të Vettingut për të përshpejtuar afatet për verifikimin e figurës, pasurisë dhe aftësive profesionale për dy prokurorët e mbetur, Anton Martini dhe Elizabeta Imeraj, pjesë e listës së sipërpërmendur në mënyrë që SPAK të jetë I plotësuar dhe të funksionojë normalisht.