Sekretari I Përgjithshëm I Partisë së Lirisë, akuzon kreun e SPAK Altin Dumani, për intimidim të dëshmitarëve, duke iu referuar Indrit Braimllait. Sipas Blushit, ky I fundit u thirr në SPAK, e pasi doli nga atje, u largua nga PL tek PS, ku do ishte edhe kandidat për deputet. Ironia më e madhe është se vet Altin Dumani, që flet për intimidim, mund të akuzohet sipas këtij pretendimi si intimidues dëshmitarësh, meqë një prej tyre i paqëndrueshëm, hyri në zyrën e tij me teserën e Partisë së Lirisë dhe doli me teserën e PS-së, madje edhe kandidat për deputet i Edi Ramës. Ilir Meta, pa pushtet ekzekutiv, pa asnjë instrument presioni dhe pa mandat deputeti nuk ka asnjë fuqi intimiduese ndaj kërkujt. Sipas Blushit, çështja ndaj Metës është politike, teksa akuzon SPAK për presion edhe ndaj gjyqtarëve të GJKKO.