Mesazhe të shumta mashtruese si ato të kompanisë Meta Platforms po mbërrijnë në telefonat e përdoruesve të rrjeteve sociale, ku kërkohet konfirmimi I të dhënave në Facebook, por jo vetëm, me pretendimin se nëse ato nuk jepen atëherë llogaria do të mbyllet. Mesazhet mashtruese, sipas policisë, kanë si synim orientimin e poseduesve të llogarive drejt linqeve mashtruese me qëllim marrjen në posedim të llogarive të personave të mashtruar, në menyrë të padrejtë. Kjo pasi nëse plotësohen të dhënat e kërkuara atëherë hakerat arrijnë të marrin aksesin e menaxhimit të llogarisë. Sektori për Hetimin e Krimeve Kibernetike në DVP Tiranë bën thirrje që nese jeni ose dyshoni se mund të jeni i prekur nga dërgimi i këtyre mesazheve, të paraqiteni pranë zyrave dhe të denonconi rastet. Numrat nga të cilët vijnë mesazhet kryesisht janë të huaj.