Drejtoria e doganës në Tiranë dhe Durrës ka goditur një skemë mashtrimi. Bëhet fjalë për mallra kontrabandë që vinin në Shqipëri si destinacion për një shoqatë me mision humanitar. Bëhet fjalë përnjë rast me mallra të importuara. Nga kjo skemë e ngritur, rezulton se një person ka importuar dhe futur në territorin doganor shqiptar sasinë prej më shumë se 860 kilogramëve me artikuj të ndryshëm industrialë, të cilat kapin vlerën prej më shumë se 350 mijë euro. Vlera e detyrimeve doganore të shmanguara për mallrat kapin shumën marramendëse të mbi 34 milionë lekëve, ndërsa penaliteti për vlerën e detyrimeve të shmangura është në shumën 207 milionë leke. Në total shuma e detyrimeve doganore dhe penaliteteve të shmangura është e konsiderueshme. Materialet hetimore janë referuar në Prokurorinë e Tiranës dhe Durrësit, për kryerjen e veprave penale të kontrabandës, falsifikimi i dokumenteve, “Fshehje e të ardhurave” dhe “Pastrimi i produkteve të veprës penale ose veprimtarisë kriminale” . Ndërkohë, vijon puna hetimore për goditjen e rasteve të ngjashme, për të cilën po bëhet një verifikim i plotë.