Emigrimi i të rinjve jashtë vendit, ka bërë që pensionistët të vijojnë të jenë pjesë e tregut të punës, ku sipas të dhënave janë aktualisht të angazhuar më shumë se 10 mijë qytetarë të moshës mbi 64 vjeç. Kryeministri Edi Rama deklaroi se do të ketë një rishikim të skemës aktuale për pensionistët e punësuar. “Po ashtu do të rishikojmë edhe skemën aktuale për pensionistët e vetëpunësuar dhe për ata të që vazhdojnë të punojnë, pasi ka dhe aty hapësirë për të bërë disa disa axhustime, të cilat përsëri shkojnë në favor të pensionistëve, në ndërkohë që kemi diskutuar edhe mbështetjen për invalidët, të cilët kanë të drejtë të kërkojnë, që të trajtohen në mënyrë të barabartë.