9 persona të cilët janë dënuar për tenderin e uniformave të policisë kanë apeluar vendimin e shkallës së parë, ndërsa cështja është regjistruar në gjykatën e Apelit të Posacem. Mësohet se seanca e parë gjyqsore do të zhvillohet më datë 21 prill. Gjykata kundër korrupsionit dhe krimit të organizuar më datë 30 dhjetor të vitit 2021, dënoi me 1 vit burg dhe 5 vite heqje të së drejtës për të ushtruar funksione publike për 9 personat të cilët akuzohen për abuzim me tenderin e uniformave. Ish drejtoresha e Ministrisë së Brëndshme Edlira Naqellari dhe shtetasit, Flutura Çekrezi, Ani Omuri, Anisa Bogdani, Fatmir Demneri, Mariglen Buzali dhe Kreshnik Bejka, Gëzim Mingaj dhe Aurora Mulla, u arrestuan nën akuzën se në bashkëpunim me njëri tjetrin kanë shkelur rregullat e prokurimit publik, barazinë në tenderë dhe kanë shkaktuar dëm ekonomik ndaj shtetit. Kujtojmë se hetimet lidhur me këtë cështje, nisën pas një kallëzimi të bërë nga opozita në SPAK, ku ngritën dyshime se punonjësit e Agjencisë së Prokurimeve në Ministrinë e Brendshme krijuan kushtet për të paracaktuar fituesin e tenderit me vlerë 25 milionë euro.