Në seancën e fundit para zgjedhjeve të 11 majit, ligjvënësit miratuan këshillin drejtues të televizionit publik shqiptar. Mandati i anëtarëve dhe kryetarit të këshillit do të jetë pesë vjeçar dhe puna e parë që duhet të kryejnë është zgjedhja e drejtorit të përgjithshëm të RTSH-së. Me 74 vota pro, Fatjon Hoxhalli u zgjodh kryetar i këshilli drejtues dhe me shumicë votash parlamenti zgjodhi për anëtarë: Enio Civicin, Pano Xhixhon, Alket Brahon, Zamira Kitën, Lorenc Vangjelin, Bujar Kapexhiun, Osman Mulën, Petrit Becin, Rajmonda Bulkun dhe Robert Budinën.