Situata e krijuar si rrjedhojë e reshjeve të shiut në Vlorë mëngjesin e kësaj të hëne është përmirësuar. Në zonat më problematike uji i shiut ka filluar të tërhiqet. Akset që deri në orët e vona të mbrëmjes notonin nën ujë sot janë totalish të kalueshme. Nuk ka prezencë të ujit në aksin e lagjes Pavarsia nr3 në rrugën "Kosova" zona e Skelës si dhe në zonën pranë biblotekës së Vlorës lagjen 29 nëntori.Ka ende prezencë të ujit në lagje, zona periferike kryesisht në oborret e banesave dhe në hyrjet e pallateve. Në lagjen periferike Kushtrimi mbi 20 banesa janë të rrethuara nga uji dhe banorët nuk dalin dot nga shtepia. Po ashtu edhe në aksin rrugor Kuç -Qeparo mbrëmjen e djeshme për shkak të reshjeve të shiut ka pas rëshqitje dherash gjë që ka sjellë bllokim të këtij aksi për disa orë, është dashur ndërhyrja e fadromave të bashkisë së Himares për hapjen e rrugës.