Zbardhen detaje të reja nga dosja e 5 grabitësve të vilave luksoze në zonën e Saukut në Tiranë, mes të cilëve ishte edhe famëkeqi Hektor Qirjazi, i njohur ndryshe me emrin Dorian Llamani. Mësohet se pesë grabitësit identifikonin vilat luksoze që do të vidhnin nëpërmjet aplikacionit google maps. Me një krik dore dhe kaçavidë të madhe arrinin të hapnin dyert ndërsa mbanin radio marrëse dhënëse për të ndihmuar njëri-tjetrin nëse hasnin vështirësi në hapjen e tyre. Pas kësaj do të takoheshin në shtëpinë e tij në zonën e Astirit për të ndarë lekët” “Kapërceva murin e shtëpisë dhe kam hyrë në oborrin e banesës dhe kam marrë drejtimin për nga dera e ballkonit të kësaj banese e cila ishte e hapur fare. Menjëherë kam hyrë brenda dhe kam kontrolluar nëpër shtëpi ku nuk kishte asnjë banor. Pasi kam kontrolluar te njëra nga dhomat e gjumit të katit të parë, kam gjetur një kasafortë e cila ishte e mbyllur, e kam hapur me kaçavidë dhe kriko dhe kam qëndruar rreth një orë për ta hapur se ishte me kod. Aty mora 4 pako me euro, bizhuteri, ndërsa në një dhomë mora telefon Samsung, një palë vëthë, IPAD dhe lojë fëmijës”