Për të gjithë besimtarët ortodoksë në Fier , mesnata solli lajmin e gezuar se “Krishti u Ngjall” e bashkë me të u ngjall edhe shpresa. Ceremonia e Pashkës u kremtua ne kishën e Shën Gjergjit, ndërkohë që u ndoq nga qindra besimtarë rë cilët ishin mbledhur për t’u lutur për më shumë paqe, harmoni e begati në një ndër ditët më te rëndësishme të kalendarit të krishterë. Ndërkohë fishekzjarret ndriçuan qiellin në mesnatë. Edhe në Durrës, besimtarët ortodoksë kremtuan pashkën. Qindra besimtarë iu bashkuan meshën së drejtuar nga at Kostandin Prifti edhe në Vlorë, ndërsa morën më pas zjarrin e kishës për ta çuar në banesat e tyre.