Po afrohet koha për një paqe të negociuar në Ukrainë, për të evituar kështu rrezikun e një lufte tjetër botërore, shkatërrimtare. Por ëndrrat për të shkërrmoqur rusinë mund të cojnë në kaos bërthamor – thotë diplomati veteran amerikan, Henry Kissinger. Ky i fundit, një arkitekt i politikës së luftës së ftohtë për uljen e tensioneve me ish bashkimin sovjetik, në rolin e sekretarit të shtetit nën presidentët republikanë Richard Nixon dhe Gerald Ford, është takuar me Vladimir Putinin disa herë që kur ai u bë së pari president në vitin 2000. Nuk ka në horizont ende një sinjal që flet për fundin e luftës por Kissinger thotë: Koha po afrohet për të ndërtuar paqen përmes negociatave dhe kjo duhet bërë mbi bazën e ndryshimeve strategjike të arritura tashmë dhe integrimit të tyre në një strukturë të re”, shkruan Kissinger për revistën The Spectator. “Një proces paqeje duhet ta lidhë ukrainën me NATO-n. Alternativa e neutralitetit nuk është më domethënëse”, vijon ai në artikullin e titulluar “Si të evitojmë një tjetër luftë botërore”.