Ish-kryeministri Sali Berisha zhvilloi një tryezë me dhomën e tregtisë, ku ndër të tjera u ndal edhe tek eksportet shqiptare dhe humbjet për shkak të kursit të euros. Sipas Berishës eksportet po vdesin e për këtë do të ngrejë një bord që do të merret edhe me rimbursimin e bizneseve si pasojë e luhatjes së kursit të euros. SINK Eksportet po vdesin në Shqipëri nga narko-eurot. Sepse ju jeni vetë biznesmenë, por nëse të ulet fitimi 30 përqind, çfarë të mbetet për të fituar pastaj? Vetëm me euron, këta sipërmarrës gjobiten me 35 përqind dhe po falimentojnë njëri pas tjetrit. Ndaj dhe bie prodhimi dhe punësimi nga viti në vit. Është e domsodoshme të ngremë zërin. Është krijuar në Shqipëri narko-euro. Nuk ekziston në asnjë vend tjetër të Europës sepse nuk ka narko-shtet, vetëm Shqipëria është narko-shtet. Ne do krijojmë bordin që do bëjë vlerësim dinamik dhe që do kompensojë çdo eksportues masën e dëmit që i vjen nga lëvizja e kursit të këmbimit nga euro. Duke u ndalur tek taksa për pronat e pashitura ish-kryeministri u shpreh se do të gjendjet një zgjidhje që të mos mbeten stok e të pashitura. Po ashtu ai ritheksoi uljen e TVSH-së në 15% si dhe vendosjen e taksës së sheshtë prej 10%.