Ka ndërruar jetë në moshën 81-vjeçare ish-kryetari i Kuvendit të Kosovës, Nexhat Daci. Lajmin e njoftoi kryetari në detyrë i Kuvendit, Dimal Basha. “Me pikëllim të thellë mora lajmin për ndarjen nga jeta të ish-Kryetarit të Kuvendit të Kosovës, akademik Nexhat Daci, një figurë të shquar të jetës politike dhe publike të vendit tonë. Në emrin tim personal dhe në emër të Kuvendit të Republikës së Kosovës, i shpreh ngushëllimet më të sinqerta familjes Daci, miqve, kolegëve dhe bashkëpunëtorëve të tij.”, shkroi ai në Facebook. Daci ka pasur një rol të madh në politikën e Kosovës. ku ka shërbyer si kryetar i Kuvendit e më pas edhe si president në detyrë pas vdekjes së Ibrahim Rugovës, më 2006. Nexhat Daci ka qenë themelues i Lidhjes Demokratike të Dardanisë dhe ka qenë aktiv në politikë edhe pas mandatit të tij si kryeparlamentar. Ai ishte akademik e profesor univeristeti në fushën e Kimisë. Lindi më 1944 në Tërnoc, ku mbaroi dhe arsimin fillor e më pas vijoi rrugëtimin e tit ë shkollimit në Beograd për studimet universitare dhe mbrojti doktoraturën në Universitetin e Zagrebit. Nexhat Daci ka qenë deputet nga vitit 2001 deri në 2011. Ndërsa ka mbajtur postin e kryetarit të Parlamentit të Kosovës në periudhën 2000-2004 dhe 2004-2006.