Gjykata e Tiranës ka shtyrë këtë të mërkurë seancën ndaj Fatjon Muratit dhe Kristian Gjinit, të akuzuar për një bazë armatimesh që u zbulua në verën e vitit 2022 në periferi të Tiranës. Këtë të mërkurë priteshin të paraqiteshin konkluzionet e prokurorisë, por seanca u shty për shkak të mungesës së avokates së Kristian Gjinit. Ndërsa avokati i Fatjon Muratit ishte i pranishëm, Seanca e radhës u caktua për në 29 mars. Mësohet se disa javë më parë, Fatjon Murati kishte kërkuar nga prokurori leje një mujore të dilte në orën 8:00 nga shtëpia dhe të kthehej në orën 20:00 për arsye shëndetësore, pasi do të kryente disa ekzaminime. Por kjo kërkesë i ishte refuzuar. Gjithsesi kjo nuk e pengoi Fatjon Muratin që të dielën datë 12 mars, të arratisej fillimisht drejt Kosovës e më pas në Turqi, duke thyer kështu masën e sigurisë “arrest shtëpie”. Lëvizja e tij erdhi disa orë përpara se një atentat mafioz të realizohej në lokalin e tij në zonën e Don Boskos, ku mbeti e vrarë banakierja 58-vjeccare Mimoza Paja dhe u plagosen 6 persona mes tyre një vajzë e mitur.