Patrullat e policisë rrugore kanë vijuar kontrollet në në zbatim të masave të përcaktuara në planin operacional “ROADPOL MARS 2021”, për rritjen e parametrave të sigurisë rrugore në të gjithë territorin e vendit, kundrejt personave që shkelin rregullat e qarkullimit rrugor. nga kontrollet me mjetet e pauniformuara, kamera të vendosura në automjete, radarë, alkooltestues dhe dronë, gjatw 24 orwve në akset rrugore kombëtare dhe rrugë të tjera të evidentuara si njolla të zeza për shkak të ngjarjeve rrugore me pasoja të ndodhura më parë janë, arrestuar 3 shoferë për drejtim mjeti në gjendje të dehur. Sipas policisë janë pezulluar 19 leje drejtimi, nga të cilat 11 për shpejtësi mbi normat e lejuara dhe 8 për drejtim mjeti nën efektin e alkoolit. Po ashtu janë vendosur 1301 gjoba, të ndara si më poshtë: 234 masa administrative për parakalime të gabuara, 149 masa për përdorim të celularit gjatë drejtimit të automjetit, 83 masa për shpejtësi mbi normat e lejuara, 78 masa për mospërdorimin e rripit të sigurimit, 45 masa për mosvendosjen e kaskës mbrojtëse, 467 masa për parkim dhe qëndrim të gabuar si dhe 245 masa për shkelje të tjera të përcaktuara në Kodin Rrugor.