Pas pushtimit të Ukrainës, Vladimir Putin synon po ashtu krijimin e një shteti të Bashkuar të ngjashëm me Bashkimin Sovjetik, një organizatë mbi-kombëtare e përbërë nga republika dhe rajone satelitë të Moskës. Putin ka ndërtuar në heshtje, por me zell të madh, prej 2 dekadash strukturat përbërëse të BRSS të dyrë. Dhe pak javë më parë, Rusia ka njoftuar se territoret e pushtuara të Ukrainës që janë aneksuar nga Rusia – si dhe milicitë e tyre të armatosura – do të bëhen gjithashtu pjesë e Shtetit të Bashkuar. Sipas politologëve që analizojnë proceset në hapësirën post-sovjetike, Rusia po planifikon për në vitin 2023 një tranzicion të pushtetit, që nënkupton kalimin e Vladimir Putin në postin e “Sekretarit të Përgjithshëm të Shtetit të Bashkuar”. Ai nuk do të përfshijë vetëm Rusinë dhe Bjellorusinë.