41-vjecari Xhuliano Halili, i dënuar me burgim të përjetshëm për vrasjen e dy shqiptarëve babë e bir, ka marrë përsipër autorësinë e ekzedkutimit të 35-vjecarit Alfons Ndoci dhe plagosjen e 46-vjecarit Altin Vokrri. Ngjarje kjo e ndodhur në burgun e Koridhalos. Gjatë kontrollit të ushtruar, policia gjeti në dhomën e Halilit thikën me të cilën dyshohet se ai kreu krimin. Ende nuk dihet I saktë motivi i konfliktit. Halili dhe Ndoci njiheshin edhe më herët. në vitin 2018 ata bashkëpunuan së bashku gjatë arratisjes nga makina me të cilën po transportoheshin në portin e Pireut. Ata u prangosën po së bashku nga ana e policisë. Xhuliano Halili i njohur ndryshe si “Niko”, akuzohet se në nëntor 2011, në Kalamata, ka vrarë 35-vjeçarin Fillim Mesaja dhe djalin e tij 2-vjeçar Oligertin, me origjinë nga fshati Caj i Kukësit. Vrasja atëherë ishtë porositur nga krimineli famëkeq grek Vasilis Varelas për larje hesapesh. Nga hetimet e asaj kohe rezulton se Halili pasi qëlloi me ciftë në kokë Fillimin, therri më pas djalin e tij të mitur. Aai mendohet se është autor edhe I dy vrasjeve të tjera të ndodhura në vitin 2008 dhe 2009, ku viktima ishin dy grekë.