Sasia e kokainës me vlerë 10 mln euro që u kap në Ankona dyshohet se nuk është e vetmja. Policia italiane dyshohet se trafiku ka vijuar për transportimin e një tjetër droge, e cila I ka shpëtuar kontrolleve. Kjo për faktin se malli I gjetur në automjet është ndryshe nga ai në banesë. Bëhet fjalë për aksionin që çoi në pranga Migert Harizin, 30-vjecarin shqiptar. Harizi kishte shkuar në Ankona me një vizë turistike 3 mujore, ndërkohë kishte marrë dhe shtëpi me qira. Ai nuk kishte precedentë të mëparshëm, ndërkohë njihet si tregtar automjetesh. Makina me të cilën Harizi udhëtonte u ndalua për kontroll, ku iu gjet një sasi kokaine, ndërkohë policia bastisi dhge banesën e tij, ku dhje aty u gjet sërish drogë, por kësaj here e një lloji tjetër. Në total 42 kg. Kjo ngre dyshimet se nëpërmjet portit të jetë kaluar një tjetër ngarkesë, e cila duket se I ka shpëtuar policisë. Policia bën me dije se shqiptari ka kaluar disa herë në aksin Shqipëri-Marke, ndërkohë ka ndërruar dy banesa në qëndrimin e tij në Itali. Në banesën e marrë me qira u gjetën pajisje të cilat provojnë se aty bëhej përgatitja e mallit. Ishte gjyëqtarja e çështjes ajo e cila I caktoi Harizit, masën e sigurisë ‘arrest me burg’.