Një tjetër shtetas i shpallur në kërkim ndërkombëtar është ekstraduar këtë të shtunë drejt Spanjës, pasi mbi të rëndojnë akuzat "Trafiku i narkotikëve" dhe “Organizata kriminale". 38 vjecari Antonio Xhaferri, banues në fshatin Bishan të Vlorës, u arrestua më datë 7 maj të këtij viti në kuadër të operacionit policor të koduar “Lugo”, zhvilluar nga Policia e Vlorës. Autoritetet spanjollë më datë 15 janar të vitit 2021 kishin lëshuar urdhër arresti ndërkomëbtar për shqiptarin, si pjesë e një organizaate kriminale që merrej me trafikun e lëndëve narkotike. Ekstradimi i tij, u bë falë Marrëveshjes midis Republikës së Shqipërisë dhe Mbretërisë së Spanjës, e cila hyri në fuqi në mars të këtij viti, që lejon ekstradimin e të personave të kërkuar. Një ditë më parë, shtetasi RT u ekstradua gjithashtu drejt Spanjës, si i shpalllur nër kërkim ndërkomëbtar për veprat penale në fushën e narkotikëve dhe kundër shëndetit publik. Ky shtetas u arrestua më 6 maj të ëktij viti, në kaudër të operacioit policor të koduar “Vilanova”.