Shqiptarët janë komuniteti I dytë me popullsinë me të lartë në numër, të komuniteteve të huaja që jetojnë në shtetin fqinj, Itali me 8.3% të totalit. Sipas Eurostat, 557 mijë persona të lindur fizikisht në Shqipëri, të cilët janë regjistruar në Itali për vitin 2024. Ndërsa krahasuar me një vit më parë, numri I shqiptarëve në Itali është rritur me rreth 20 mijë persona. Një pjesë e shtetasve shqiptarë të lindur në Shqipëri kanë marrë tashmë shtetësinë italiane. Sipas Monitor, të dhënat janë bërë të ditura nga Eurostat, në publikimin për emigracionin. Vendin e parë të komuniteteve të huaja që jetojnë në Itali, e zënë rumunët, rreth 900 mijë persona, ose 13.5% e totalit. Sakaq, në Slloveni, Kosova rezulton komuniteti i katërt më i madh i të huajve, me rreth 30 mijë shtetas.