Pagat e ulëta dhe standarti i ulët i jetesës janë dy nga faktorët që kanë detyruar shqiptarët ndër vite të emigrojnë drejt vendeve të Bashkimit Europian dhe jo vetëm. Sipas të dhënave të publikuara nga Eurostat, që nga viti 2002, 521 mijë shqiptarë janë pajisur me pasaporta europiane, ku pjesa më e madhe e tyre jetojnë në Itali dhe Greqi. Eurostat bëri të ditur se në total, në vitin 2020, 729 mijë persona morën nënshtetësinë e një shteti anëtar të BE-së ku ata jetonin, një rritje prej 3% nga 706 400 në 2019. Marokenët, sirianët dhe shqiptarët janë marrësit kryesorë të shtetësisë europaine. Sipas Eurostat, në vitin 2020, marokenët ishin grupi më i madh në mesin e shtetasve të rinj të BE-së, ku thuhet se rreth 69 mijë emigruan drejt Spanjës, Italisë dhe Francës. Sa i përket shqiptarëve, më shumë se 40 mijë prej tyre morën nënshtetësi italiane. Numri i shqiptarëve që largohen nga vendi i tyre drejt një vendi tjetër rritet cdo vit, ndërsa kjo po sjell një tkurrje të thekuar të popullësisë së Shqipërisë.