Numri i shqiptarëve që dorëzuan shtetësinë përgjatë vitit të kaluar arriti shifrat më të larta, të paktën në shtatë vitet e fundit. Nga të dhënat e INSTAT, 870 persona hoqën dorë nga pasaporta shqiptare përgjatë vitit 2023, një rritje me 20 për qind në krahasim me vitin 2022. Ndarë sipas gjinisë, 53 për qind e tyre janë femra dhe 47 për qind janë meshkuj. Ndërkohë, numri i shtetasve të huaj që morën pasaporta shqiptare përgjatë vitit të kaluar ra me gati 200 vetë në krahasim me vitin 2022. Sipas INSTAT, 1382 vetë u njohën si shtetas të Shqipërisë. Treccereku i tyre janë shqiptarë të Kosovës, pjesa tjetër janë turq dhe sirianë. Analiza e të dhënave nga Drejtoria e Emigracionit jep ndërkohë edhe numrin e shtetasve që kërkuan azil në Shqipëri. Në total vitin e kaluar ka pasur 261 aplikime, 62 për qind e të cilave nga shtetas afganë. Pjesa tjetër janë sirianë dhe irakianë. Megjithatë, vetëm për 15 kërkesa autoritetet kanë miratuar statusin e azilantit, pjesa tjetër ose është refuzuar ose është ende në fazë shqyrtimi.