Deputeti i vetëm shqiptar në parlamentin e shkuar serb, Shaip Kamberi, thotë se ëhstë optimistë që banorët e luginës do të marrin pjesë në zgjedhje dhe se do të arrihen votat e mjaftueshme për tu zgjedhur sërish deputet. Kamberi në këto zgjedhje udhëheq listën e ‘Beteja politike e shqiptarëve vazhdon’. "Besoj që në ditët e fundit të fushatës një intensifikim më i madh ka qenë në terren, takimet e tona me njerëz, ku kemi arsyetuar rëndësinë e daljes dhe pjesëmarrjes në zgjedhjet parlamentare. Kemi informacione që janë qytetarët tanë që punojnë në Kosovë, janë sot duke mbërritur sot në Luginë të Preshevës për të dhënë votën e vet sepse ne duhet të kemi një përfaqësim dhe ai përfaqësim shprehet përmes votës së lirë. Qytetarët e kanë mundësinë sot të zgjedhin. Besoj që masovikisht t'i përgjigjen ftesës për zgjedhje"