Mes tensioneve në rritje rajonale, thuhet se po shqyrtohet mundësia e një sulmi iranian ndaj selisë së “Monafeqin” - Organizatës Muxhahedine të Popullit të Iranit (MEK) - e vendosur në bazën Ashraf-3 në Shqipëri. Kështu shkruan media e Azerbajxhanit Caliber që I referohet një mesazhi në Telegram të Korpusit të Gardës Revolucionare Islamike. “Shërbimi për shtyp i Korpusit të Gardës Revolucionare Islamike (IRGC)tha në Telegramse veprimet e mundshme të reklamuara kanë të bëjnë me një strukturë që Teherani e konsideron të lidhur me "aktivitete armiqësore". Disa burime, duke iu referuar sulmeve të fundit të Iranit ndaj objektivave në Qipro, pohojnë se Irani nuk po e kufizon më veten në një gjeografi specifike kur synon qendrat e lidhura me kundërshtarët e tij dhe po zgjeron fushëveprimin e aftësive të tij operacionale përtej rajonit.”, thuhet në artikull që më tej bën dhe një parantezë se çfarë është organizata Muxhahedine e Iranit, baza e së cilës ndodhet në fshatin Manzë, ku janë të strehuar rreth 3000 anëtarë.