Që prej 24 shkurtit, kur filloi konflikti i vërtetë mes Rusisë e Ukrainës, më shumë se 3 milionë ukrainas braktisën vendin e tyre, ku pjesa më e madhe u zhvendos në Poloni, ndërsa të tjerët u shpërndanë në disa shtete të tjeta. Shqipëria, ishte nga vendet që I’u bashkua shteteve të tjera për të mirëpritur ukrainasit në këtë periudhë të vështirë. Këtë të premte, në mbledhjen e këshillit të ministrave, u vendos që ukrainasit të cilët do të vijnë në vendin tonë, u jepet e drejta të jetojnë këtu 1 vit pa leje qëndrimi. Kjo gjë u propozua nga ministri i brendshëm Bledi Cuci dhe nga ministrja për Evropën dhe Punët e Jashtme Olta Xhacka. Nga njoftimi zyrtar, bëhet me dije se ky vendim do të hyjë në fuqi pas botimit në “Fletoren zyrtare”. Deri më tani në vendin tonë, kanë mbërritur 351 familje ukrainase. Pritet të vijnë akoma familje të tjera, por ende nuk ka një numër zyrtar se sa prej tyre mund të strehohen në Shqipëri.