Ringritja e industrisë ushtarake prodhuese ‘Made in Albania” ishte një nga tematikat ku u ndal kreu i qeverisë gjatë bilanc-prezantimit të arritjeve në sektorin e mbrojtjes. Ai tha se kompania KAYO do nis shumë shpejt prodhimin e armëve, ndërsa shpalosi dhe objektivat. Ne do të jemi një vend eksportues i prodhimeve ushtarake brenda kësaj dekade, ky është qëllimi, dhe jemi në rrugën e realizimit, duke parë se si po ecin edhe diskutimet me kompani të mëdha të ekselencës botërore që kanë shprehur gatishmërinë të na bashkohen në këtë aventurë të re.