Shqipëria ka rënë me 11 vende në indeksin vjetor të Transparency Internetional. Raporti për vitin 2025 tregon se vendi ynë është vlerësuar me 39 pikë, nga 42 pikë që kishte në vitin pararendës. Shqipëria ka humbur kështu 3 pikë, duke rënë me 11 vende në renditjen globale të Transparency International. Në raportin e vitit të kaluar, vendi ynë renditej i 80-ti mes 180 vendeve, ndërsa në raportin e fundit renditet në vendin e 91. Organizata vlerëson se korrupsioni është përkeqësuar në të gjitha vendet e rajonit, por Shqipëria ka rënie më të fortë me 3 pikë. Kosova ka shënuar një rënie për një pikë krahasuar me vitin 2024 dhe është vlerësuar me 43 pikë. Bosnja ka rënie me një pikë, ndërsa Serbia me dy pikë. Mali i Zi dhe Maqedonia e Veriut kanë ruajtur të njëjtin nivel perceptimi për korrupsioni, ashtu si në vitin 2024. Sipas organizatës, më mirë në rajonin tonë është Mali i Zi.