Presidenti i Serbisë, Aleksandar Vuçiç, deklaroi se Beogradi nuk ka asnjë lidhje me atë çfarë ndodhi në veri të Kosovës, ku u dëmtua një kanal i ujit i Ibër-Lepencit. Televizioni shtetëror serb, RTS, thotë se Vuçiç i bëri komentet gjatë një biesde që pati me të rinjtë në tribunën e Partisë Progresive të Serbisë. Ai i këshilloi ata të mos marrin vendime nën trysni, duke treguar gjoja pse Serbia nuk reagoi menjëherë pas akuzave të Prishtinës. “Këtë e di edhe Prishtina. Përse të justifikohem, të vrapoj nëpër mediat botërore, të kërkoj falje për diçka që nuk e kam bërë kur ata gjithsesi do ta interpretojnë si të duan”, tha ai. Më herët, ministri i Jashtëm i Serbisë, Marko Gjuriç, i hodhi poshtë pretendimet e Kurtit, duke e akuzuar këtë të fundit se drejtoi gishtin drejt Beogradit pa prova . Ai tha se Serbia është e gati që të ndihmojë në riparonin e dëmeve “qoftë financiarisht apo teknikisht”. Ndërkohë nga ana tjetër drejtori i Zyrës për Kosovën në Qeverinë e Serbisë, Petar Petkoviç, tha se shkatërrimi i kanalit ka rrezikuar furnizimin me ujë në komunat e veriut të Kosovës për popullin serb.