Një shpërthim me tritol ndodhi orët e para të mëngjesit të kësaj të diele në qytetin e Lezhës. Ngjarja ndodhi rreth orës 05:55 në lagjen Beslidhja, ku një sasi lënde plasëse iu vendos nje mjeti të parkuar tip Golf në pronësi të një efektivi policie. Nga shpërthimi i fuqishëm pati vetëm dëme materiale kryesisht në pjesën e përparme të mjetit. Drejt vendit të ngjarjes shkuan forca të shumta policie. Një grup hetimor ndërkohë sekuestroi kamerat e sigurisë rreth kësaj zone me qëllim identifikimin e autorëve. Në dëshminë e dhënë efektivi 41-vjeçar mohoi që të ketë konflikte me persona të tjerë. Dyshimet paraprake janë se sulmi mund të ktë ndodhur për shkak të detyrës që ai ushtron në sektorin e krimeve në policinë e Lezhës prej vitesh.