Pak dite pas publikimit të lajmit se qeveria shqiptare ka humbur gjyqin në Ggjykatën Ndërkombëtarë të Arbitrazhit me biznesmenin italian Francesco Beccheti, në disa zona të Tiranës janë shpërndarë disa fletëpalosje. Përmes tyre, ne formën e nje “kartoline proteste” u bëhet thirrje me ironi qytetareve që të kursejnë nga buxheti i tyre këto kohë për të paguar humbjen e gjyqit në Arbitrazh, ndaj Francesko Beccheti. pankartat jane shperndare neper makina ne kryeqytet duke thkesuar se falë Edi Ramës, secili duhet t’i paguaj 400 euro për Becchetin”. Pas vendimit te gjyqit ne arbitrazh qeveria shqiptarE do duhet t’i paguaj në total shtetasit italian, 109 milionë euro për shkak të humbjes së gjyqit. Rreth një vit më parë, qeveria e humbi gjyqin, por qeveria nuk e pranoi publikisht pagesën prej rreth 109 milionë eurosh që duhet të nxirrte nga taksat e qytetarëve për Francesco Becchettin. Becchetti kishte kërkuar 650 milionë euro dëmshpërblim. Permes Avokaturës së Shteti qeveria kerkoi anulimin e gjobës ne gusht te vitit te kaluar dhe ekzekutimi i saj u pezullua .Shqipëria u mbrojt nga Avokatura e Shtetit Foley Hoag, një studio amerikane nga më të njohurat në botë për mbrojtjen e shteteve në konfliktet gjyqësore. Ndërkohë me 23 mars e njëjta gjykate e hoqi pezullimin, duke lënë në fuqi gjobën e madhe për shtetin shqiptar. Konflikti nisi pasi Shqipëria prishi kontratën koncesionare mes Shqipërisë dhe kompanisë së italianit Francesko Becchetti për ndërtimin e hidrocentralit në lumin Vjosë. Kontrata ishte nënshkruar shumë vite më parë por për shkak të zvarritjeve, kontrata u prish në mënyrë të njëanshme.