Në dokumentarin e radhës, emisioni investigativ Inside Story, u përqëndrua tek shifrat marramëndese që drejtuesit e universiteteve, u kanë dhënë profesorëve përgjatë pandemisë, ku mësimi është kryer onlinë nga shtëpia. Rekordin për shpërblime e mban Universiteti “Aleksandër Moisiu” i Durrësit që ka shpërndarë plot 1.75 milionë euro për këtë zë shpenzimesh. Në kushte normale ndoshta kjo mund të dukej normale, por gjatë një viti emergjence, është e paqartë se pse janë shpërndarë këto shpërblime. Nga ana tjetër, në Universietin e Tiranës që është më i madhi në vend dhe ka disa herë më shumë pedagogë, janë shpërndarë 192 mijë euro. Pra, afro 8 herë më pak se ai i Durrësit. Edhe Universiteti i Elbasanit është treguar dorëlëshuar kur vjen puna te shpërblimi që kanë shpërndarë për pedagogët.