Spanja ka hedhur poshtë kërkesën e NATO-s për të shpenzuar 5 për qind të prodhimit të brendshëm bruto për mbrojtjen, duke e cilësuar si të paarsyeshëm. Kryeministri spanjoll, Pedro Sanche, përmes një letre drejtuar sekretarit të Përgjithshëm të NATO-s, Mark Rutte, shkruan se Spanja “nuk mund të zotohet për shpenzimet prej 5% të prodhimit të brendshëm bruto” në samitin e ardhshëm të NATO-s në Hagë. Më herët, në muajin prill, Sanchez tha se Qeveria spanjolle do t’i rrisë shpenzimet për mbrojtjen për 10.5 miliardë euro për ta arritur cakun e mëparshëm të NATO-s prej 2 për qind të prodhimi të brendshëm bruto. Shumica e vendeve aleate të Shteteve të Bashkuara të Amerikës në NATO pritet ta mbështesin kërkesën e presidentit amerikan, Donald Trump, për shprenzime 5 për qind të prodhimit të brendshëm bruto për nevojat e tyre ushtarak dhe të mbrojtjes. Nga 32 vende e NATO-s, Spanja është vendi me shpenzimet më të ulëta për mbrojtje, pasi i harxhon më pak se 2 për qind të prodhimit të brendshëm bruto për mbrojtjen.