Pak sekonda e kanë ndarë Aeroportin e Prishtinës, nga një tragjedi e mundshme. Gjithçka ka ndodhur në harkun kohor të disa sekondave, kur një avion “Airbus A320” ka rrezikuar të përplaset me një veturë në aeroportin ndërkombëtar të Prishtinës. Mësohet se automjeti i aeroportit ishte në pistë, kur mjeti fluturues nisi udhëtimin për në Gjenevë. Incidenti në fjalë mësohet të ketë ndodhur më 20 qershor, por është mbajtur I fshehur, teksa është publikuar nga mediet kosovare këtë të premte. Kështu thuhet në një deklaratë të publikuar nga Bordi Zviceran për Hetimet e Sigurisë (SUST) të premten (16 Gusht). Airbus, me regjistrim zviceran HB-JXF, mësohet se kishte marrë lejen për t’u ngritur për në pistën nr. 35, pak pas orës 17:00. Në të njëjtën kohë, një automjet i aeroportit ishte parkuar në skajin tjetër të pistës.