Ministrat e Punëve të Jashtme të Maqedonisë së Veriut dhe Bullgarisë, Bujar Osmani dhe Teodora Gençovska, nënshkruan sot në Sofje protokollin dypalësh e propozimit francez. pas mbledhjes së komisionit të përbashkët ndërqeveritar. Ministri i Jashtëm i Maqedonisë së Veriut, Bujar Osmani, tha se kanë pasur bisedë konstruktive dhe se në protokoll do të ketë projekte, memorandume dhe dokumente që forcojnë marrëdhëniet mes dy vendeve. “Për ne është një mundësi historike që pas 17 vjetësh status kandidat, Maqedonia e Veriut merr mundësinë që nesër, pasnesër, të fillojë negociatat me BE-në, e cila fillon fazën e fundit të anëtarësimit tonë në BE”, u shpreh Osmani. Ministrja e Jashtme të Bullgarisë, Teodora Gençovska, tha se takimi ka qenë i dobishëm dhe është shënuar përparim në të gjithë sektorët. Sipas saj, "tani mbetet të përmbushet ajo që është rënë dakord, që kërkon angazhim serioz nga të dyja vendet".